Nxënës që mbaruan maturën këtë vit kanë pasur 3 gushtin si afat të fundit të aplikimeve për universitetet publike. Mësohet se sistemi online i vendosur për të thjeshtuar procedurat zyrtare ka pësuar një bllokim sot për shkak të fluksit të lartë.
Bëhet fjalë për universitetet publike të Tiranës, ndërkohë që afati është gjer në orën 18:00 të së mërkurës. Burime nga Ministria e Arsimit dhe e Sporteve thonë se AKP do ta shtyjë afatin e aplikimit për studentët e rinj.
Sipas këtyre burimeve, të rinjtë do të kenë mundësi të aplikojnë edhe gjatë natës. “Asnjë nxënës nuk do të mbetete pa aplikuar” – tha sot MAS.
