Një tjetër konflikt mes personazheve të njohur publikë është shënuar këtë radhë në Facebook. Bëhet fjalë për moderatoren Floriana Garo e cila nuk e ka marrë aspak mirë përkufizimin që Olti Curri i ka bërë në FB si “vajza e famshme e motit”. Floriana ka vendosur t’i kundërpërgjigjet duke u shprehur se ajo është “AUTORE dhe MODERATORE” e emisionit “Jo vetëm modë”.
E gjitha nisi nga një ankesë e një vajze në adresë të faqes së Olti Currit. Ajo denonconte faqen e emisionit “Jo vetëm modë” se i kishte fshirë një koment kritikues mbi spektaklin “Miss Universe Albania” që u shfaq të dielën në televizionin “Klan”.
Shoqëruar me postimin “screenshot” të komentit origjinal, Olti iu kundërpërgjigj moderatores po në FB.
