Moderatorja Floriana Garo ka rrëfyer mbrëmë në emisionin “Opinion” të vërtetën e saj rreth lajmit që qarkulloi në media se ajo do të ishte e përzgjedhura e Lulzim Bashës si deputete për qarkun e Tiranës.
E pyetur nga Blendi Fevziu nëse ishte i vërtetë lajmi që po qarkullonte prej ditësh nëpër portale, ku thuhej se me pëlqimin e kreut të PD-së, Lulzim Basha, Floriana do të ishte në listën e Tiranës si kandidaturë e tretë për deputetë?
Një lajm të tillë, Garo e ka mohuar kategorikisht, duke pohuar: “Jo nuk është e vërtetë”.
Moderatorja e “Jo vetëm Modë” e ka treguar edhe një mesazh të çuditshëm që I kishte ardhur në telefonin e saj, por që s’kishte të bënte me kandidimin.
E ftuar në panelin e emisionit moderatorja Floriana Garo ka thënë se në facebook është e rëndësishme të paraqesësh gjëra të vërteta dhe jo mashtrime.
“Ajo që duhet të tregojmë në rrjetet sociale dihet të jetë diçka e vërtetë, të mos jetë diçka fallco”, ështe shprehur Garo, shkruan “opinion.al”.
Me tej ajo ka rrëfyer për një mesazh që ka marrë kur ka hapur rrjetet sociale. “Në fillimet e televizionit për mua, nuk e kisha menduar këtë gjë, por sapo hyra në televizion hapa këto rrjetet sociale, facebook-un kryesisht, dhe më ka ardhur një mesazh njëherë dhe më ka thënë që: Unë ty të kam shumë inat, se ke ndikuar shumë keq tek e dashura ime, e cila do një jetë si tënden. Dhe unë nuk e kisha menduar këtë gjë ndonjëherë, sot jam më e kujdesshme në ato që postoj. Dhe kur e mora këtë mesazh u shokova. Unë nuk e kam bërë këtë me tendencë”, është shprehur Floriana Garo.
