Alketa Hila është emëruar si drejtoreshë e re e Albpetrol.
Kjo pas arrestimit të Florian Muçës nga SPAK, si i përfshirë në aferën e inceneratorëve. Hila është emëruar administratore, derisa bordi të bëjë zgjedhjen e drejtorit të ri të kompanisë.
Pak ditë më parë SPAK ekzekutoi 9 urdhër arrestet e lëshuara për hetimin që lidhet me inceneratorin e Fierit. Ndërkohë u lëshuan edhe 5 urdhër-arreste të reja për dosjen e inceneratorit të Elbasanit.
Nga 9 urdhër arrestet, 7 ishin masa sigurie ‘arrest me burg’ dhe 2 në arrest shtëpie. Lefter Koka, ish-ministri i Mjedisit, dhe Klodian Zoto, pronari i kompanisë që administron Inceneratorin e Fierit, kanë marrë masën e dytë ‘arrest me burg’, ndërkohë që 7 të tjerë akuzohen zyrtarisht nga Prokuroria për korrupsion dhe shpërdorim detyre.
/b.h
