Falë arkivave të tij muzikore, Flori Mumajesi mund të fundosë shumë këngëtarë shqiptarë Flori Mumajesi, një ngë kantautorët dhe producentët më të njohur shqiptarë, ka hedhur së fundmi një shashkë të re midis midis personazheve të showbizit shqiptar. “Një arkiv me shumë zëra këngëtarësh bruto që nga viti 2007…Po i bëj DELETE më mirë…” ka shkruar ai në një postim në Instagram gjatë së martës, në diçiturën e fotos ku duken një sërë dokumentash audio të fotografuar nga ekrani i një kompjuteri. Mesa duket ai ka dashur të nënkuptojë se në arkivën e kompjuterit të tij, mund të gjenden materiale që mund të demaskojnë këngëtarë e këngëtare shqiptarë, përsa i përket talentit të tyre artistik, që mesa lë të kuptohet Flori, është inekzistent, shkruan Anabel.
Kjo nuk është hera e parë që Flori tregohet shpotitës ndaj atyre që njihen si artistë por që siç lë ai të kuptohet, nuk kanë talent dhe e ngrenë karrierën e tyre falë programeve kompjuterike apo ekspozimit trupor. Ai e nisi këtë revoltë me këngën “Playback”, e cila asokohe thuhej se i dedikohej pikërisht një këngëtareje shqiptare të cilën Flori e kishte ndihmuar në fillimet e saj dhe vijoi me “Making of”, në bashkëpunim me reperin Fuga, ku sërish, ironizoheshin personat pa talent por që ecnin përpara vetëm falë pamjes.
