Zef Nikolli, pronari i hotel ‘’Valz’’ rrëfen se dhoma ku prenotuan dy të rinjtë shqiptarë dhe 2 italianët, qëndron edhe e mbyllur deri sa policia të verifikojë çfarë i duhet.
Nikolli tregon për ‘’Gazeta Shqiptare’’ edhe momentin kur njoftoi Emanuelën, nënën e italianit Giorgio Angelo De Serio, e cila pasi kishte dëgjuar për aksidentin e frikshëm dhe pasi i biri nuk i kishte hapur telefonin për 17 orë, kishte telefonuar në hotelin, nga i cili i biri bëri ‘’Selfien’’ e fundit.
‘’Nëna në Itali i kishte bllokuar kartën e kreditit’’, rrëfen Nikolli. Pronari rrëfen se të rinjtë kishin dashur të shkëmbenin 60 euro me lekë, duke i thënë se donin të dëfreheshin. ”Më pas nuk u kthyen më”, përfundon Nikolli.
