Sipas Zuninos dhe pse në Shqipëri po kryhen hetime atë nuk e ka kontaktuar askush si nga policia italiane si ajo shqiptare dhe për rrëzimin e avionit ai është vënë në dijeni vetëm nga media. Guido Andrea Guidi mori leje për të fluturuar me avion në Leçe”.
Intervista ekskluzive për Report Tv e Mauro Zunino
Zyrtarisht ne nuk kemi asnjë informacion për atë ç’ka mund ti ketë ndodhur avionit që ju më pyesni. E jona nuk është kompani por është shoqëri sportive e avionëve turistik.
Avioni i përket shoqërisë tuaj, Guido punonte për këtë shoqëri?
Po avioni është i “Aero Club Savona”, por Guido nuk punonte për ne por është anëtar i klubit të aeronautikës Savona, i cili e kishte avionin në përdorim si të gjithë anëtarët e tjerë të klubit.
Ju lutem na shpjegoni kur piloti në këtë rast Guidi, kur fluturon diku kërkon leje?
Sigurisht po, firmos një marrëveshje dokument me shoqërinë në të cilën kërkon leje për përdorimin e avionit dhe merr përgjegjësin për avionin.
Dy ditë më parë kur fluturoi mbi Shqipëri, kërkoi leje?
Absolutisht jo, nuk ka dhënë asnjë informacion në lidhje me një fluturim drejt Shqipërisë, kërkoi leje për një fluturim turistik drejt Leçes dhe më tha se do të kthehej sërish mbi Castel Di Monte pranë Leces.
Ne kemi një njoftim për fluturim mbi Castel Di monte dhe kthimin. Duhet të kuptoni që Guidi nuk është anëtar i ri në Klub, bashkëpunon me ne prej dy vitesh.
A ka ndodhur ndonjëherë që t’ju kenë kërkuar pilot të tjerë për të fluturuar mbi Shqipëri?
Jo absolutisht jo, kemi bërë udhëtime mbi ish Jugosllavi por jo mbi Shqipëri. Nuk është një destinacion që e përdorim apo na kërkohet.
Jeni kontaktuar nga hetuesit shqiptar apo italian?
Absolutisht jo, sikur ju thashë në fillim nuk kemi asnjë informacion zyrtar nga asnjë institucion as nga piloti e aq më pak nga autoritetet.
