“Kam lëvizur nga vendi që u bë publik sot dhe jam në një vend tjetër të Bashkimit Evropian”. Kështu deklaroi sot ish-polici Emiljano Nuhu, duke shtuar se kishte informacione se mund ta vrisnin në Shqipëri.
“Unë nuk kam ikur nga Shqipëria për të kërkuar azil, por sepse më rrezikohej jeta. Këtë e mësova nga rrjeti im informativ” – tha Nuhu.
Sipas tij, asnjë nga drejtuesit e tij në Polici nuk e kanë mbrojtur dhe nuk kanë shprehur interes për stiuatën.
“Më morën në telefon nga familja Rrahja dhe i takova në një lokal publik. Me pushtetin që kanë ata, unë do të isha i arrestuar sot po të kishte agravuar situata. Unë i lashë takim në lokal, meqënëse aty ka kamera” – tha Nuhu në ‘Opinion’.
/b.d
