Pas vendimit të mazhorancës për tërheqjen e kandidatit të saj për zgjedhjet e Kavajës Klodjan Shehi, ky i fundit ka reaguar për mediat. Ai ka deklaruar se “do të bëjë më të mirën për qytetin”.
“Kam besim te Kryeministri yne dhe vendimi i tij, sikurse eshte treguar ne gjithe keto vite. Interesi kombetar eshte i pari. Interesi kombetar eshte mbi cdo interes vetjak. Kavaja e ka zgjedhur drejtimin e duhur. Ne do te vazhdojme punen ne Bashkine e Kavajes per te ndertuar cdo dite qytetin qe duam, Kavajen qe duam, Shqiperine qe duam” – tha Shehi ne festen e Birres, nje tradite qe prej kater vitesh tashme ne qytet. Festa e birres perkoi edhe me celjen e sezonit turistik.
Sot ishte planifikuar takimi përmbyllës i fushatës në Kavajë, por PS bëri një lëvizje të beftë duke tërhequr kandidatin, në një klimë mjaft të nxehtë politike.
PD kishte planifikuar tubim masiv ditën e zgjedhjeve dhe ekzistojnë frika e ndonjë përplasjeje. Kryeministri Rama deklaroi se shtyrja e zgjedhjeve është një shans për dialogun./a.m.
