Maksim Kona do të jetë kandidati i LSI për Bashkinë e Kavajës në zgjedhjet e 25 qershorit. Emri i Maksim Konës është dërguar nga LSI për regjistrim në Komisionin Qendror të Zgjedhjeve.
59-vjeçari Maksim Kona ka studiuar për inxhinieri në Itali dhe gjithë këto vite e ka ushtruar profesionin mes Shqipërisë dhe Italisë.
Në një prononcim për “News24”, Maksim Kona tha se synimi i tij është të kontribuojë për qytetin e Kavajës.
Dalja surprizë e LSI me një kandidat të sajin për zgjedhjet e Kavajës vjen pas marrëveshjes politike midis PS dhe PD ku LSI shprehu rezervat e saj.
Më herët LSI kishte deklaruar se ajo nuk do të merrte pjesë në zgjedhjet e Kavajës, pasi Partia Socialiste nuk ishte konsultuar me LSI për kandidatin që do të nxirrnin në Kavajë.
a.ç
