Sali Berisha ka folur sot me disa të rinj të FRPD për emigracionin. Pasi është hedhur nga korrupsioni, te krimi dhe emigrimi, Berisha tha se në 8 vite Shqipëria ka humbur 35% te popullsisë.
Ai tha se ky vend është kthyer në mallkim dhe se pasuritë e tij po vidhen.
Pastaj Berisha peshoi edhe plehrat e Tiranës duke deklaruar se sa kushton një kile në Sharrë, sa jep qeveria, sa merr djegësi, sa groposen, sa riciklohen e të tjera me radhë.
“Edi Rama po vret shpresën tuaj. Mediat po paguhen që të vendoset diktatura. Më thoni ju mue. Ju jeni të rinj, disa mund te keni lexue për diktaturat. Po unë due t’ju them se në kuptimin klasik, ajo e Enver Hoxhës ishte më e egra. Përvec burgjeve dhe kampeve ajo kishte disa forma të tjera. Po kaq të tmerrshme, sic ka sot Edi Rama diktaturën e mjerimit dhe varfërimit” – i tha Sali Berisha teksa transmetohej LIVE nga thuajse të gjithë televizionet.
Këto deklarata vijnë në prag të zgjedhjeve lokale nga ish-presidenti dhe ish-kryeministri që 83 vete iu mbytën vetëm në Otranto. 28 iu vranë në Gërdec dhe 4 të tjerë i vrau vetë në 21 Janar 2011. Vetëm pse donin një jetë më të mirë prej këtij personazhi të pashoq.
Fjala e tij u shoqërua me ovacione nga dhjetëra të rinj të… partisë së tij!
/javanews/ a.rada
