Iku nga Gjilani dhe u gjet në Ferizaj pa vetëdije. Kjo ngjarje i ndodhi një 30 vjeçari që humbi një shumë të madhe të parave, dhe pa zgjidhje tjetër, u mundua të ‘arratisej’. Ndërsa familja e raportoi si të zhdukur.
‘Kam dashtë veç me u largu prej aty. I kam lënë krejt çelë ashtu, me lokale me krejt”, thotë ai për mediat kosovare.
I riu humbi 10 mijë euro dhe për dy ditë thotë se u soll rrugëve të Ferizajt si i humbur për tu gjetur më pas pa ndjenja nga qytetarët pasditen e së premtes.
“M’ka ra të fikët. Kam pasë problem në zemër. Kanë lajmëruar qytetarët. M’ka gjet policia, e kanë thirr ambulancën edhe më kanë çu në spital”, thotë ai.
I gjithë problemi nisi kur për tu ‘larë’ nga një situatë 30 vjeçari u zhduk. Siç rrëfen vetë protagonisti i cili këmbëngul në anonimitet, një shok i tij që luante online po akuzohej nga shefat se i ka borxh pikave të basteve sportive.
Kështu nga 700 u bënë 10 mijë euro të humbura në mënyrë elektronike. Kjo pasi siç thotë ai, për ta nxjerrë tjetrin nga situata iu fut vetë basteve live në futboll. Pas humbjes ai kujtoi se nuk do të mund t’i bëjë ballë presionit.
‘Ndoshta kisha bo edhe vetëvrasje. Aty mendja më ka shku”, shpjegon ai.
Sipas tij pronari i bastit nuk e ka denoncuar pasi është shqetësuar kur ka marrë vesh për zhdukjen e tij.
Ndërkohë policia e ka cilësuar rastin si “gjetje të personit të zhdukur”.
a.ç
