Deputeti i opozitës në parlament, Lefter Maliqi ka apeluar publikisht policinë, përmes një statusi në Facebook që të mos prekin artistët, por të hedhin kapelet e të mbrojnë pronën publike.
“Thirrje publike e hapur dhe patriotike, si ish oficer i lartë policie, si antar i komisionit të sigurisë kombëtare ( rendit,shiku-t dhe mbrojtjes ) prej 5 vjetësh dhe deputet i drejtohem ish kolegëve dhe vartësve të mi të policisë që të hedhin kapelet dhe të mos rrahin artistët dhe qytetarët që po mbrojnë një pronë publike dhe lirinë përballë një diktature oligarkike”, shkruan Maliqi.
Më tej ai shton se artistët perfaqësojnë elitën kulturore të kombit, shpirtin e lirë të qytetarit. “Teatri përfaqëson një nga majat më të larta të artit shqiptar. Bashkohuni me artistët, qytetarët,disnancohuni nga mbidozat e Kryeministrit i cili edhe ju po ju mban nën presion psikologjik me vetingun në polici.
Reagoni me dinjitet mos e njollosni uniformën e shtetit as figurën tuaj me urdhra e veprime arbitrare kundër artistëve të cilët mbeten vlerë e kombit”, tha Maliqi.
