Katër anëtarë të familjes Avdijaj, por me qëndrim në Zvicër humbën jetën si pasojë e një aksidenti mbrëmjen e së enjtes në Rrugën e Kombit. Djali i madh i Blerimit, Mirsadi, ka rrëfyer detaje për aksidentin tragjik nga i cili humbi katër anëtarë të familjes.
“Ndihem sikur jam në një film të keq horror!”, thotë Mirsad Avdijaj 26-vjeç, për të përditshmen zvicerane “Blick”.
“Ai është djali i madh i Blerim Avdijaj dhe lejon BLICK të tregojë fotografitë e të ndjerit dhe të japë emrat e tyre të plotë. Përveç babait të tij, gruaja e tij e dytë Anjeza si dhe vajza e tyre Medina dhe Klejdi njëmbëdhjetë vjeçar – djali i Anjezës nga martesa e saj e parë, gjithashtu humbën jetën në aksident”, vijon raportimi i Blick.
“Unë i doja shumë të gjithë, Klejdi ishte si mishi dhe gjaku im,” u shpreh Mirsad Avdijaj. Të Dielën e kaluar, ishte vetë ai që e çoi familjen në aeroport. Teksa rrëfen marrëdhënien me familjen, thotë se babai “ishte miku im më i mirë, ende nuk mund të mendoj qartë ”.
Miqtë e Blerim Avdijaj ende nuk mund t’i besojnë lajmit të trishtuar. “Të gjithë jemi në shok. Unë e njoh Blerimin për njëzet vjet. Ai ishte një njeri kaq i mirë dhe i mirë. Gjithmonë shumë shoqëror dhe i lumtur ”, thotë një shok i të ndjerit për BLICK, transmeton Gazeta Express.
Fqinji Muamet R, është tronditur gjithashtu: “Ne gjithmonë bënim grill së bashku dhe fëmijët tanë luanin në kopsht. Nuk u kam thënë akoma se miqtë e tyre kanë vdekur”.
Varrimi i viktimave bëhet gjatë ditës së sotme në Tiranë, ndërsa në aksident shpëtoi vetëm një vajzë e vogël 3-vjeçe, gjithashtu e lënduar rëndë. Ajo cila po trajtohet në Spitalin e Tiranës.
