Në një deklaratë jashtë ambienteve të SPAK, Ylli Manjani, avokat i Pëllumb Gjokës është shprehur se nuk duhet të zhvillohen gjyqe të mbyllura.
Po ashtu, Manjani tha se për të lidhur një person me një ngjare, duhet të ketë prova konkrete dhe jo vetëm hamëndësime.
“SPAK ka të njëjtin qëndrim që ka prokurorët e vendeve të tjera. Jemi në sintoni të plotë. Në sallën e gjyqit nuk ka sekrete dhe nuk ka dosje hetimore. Nuk ka gjyqe të mbyllura vetëm Shqipëria i bën këto pisllëqe. Mediat të jenë në sallë”.
Ndërkohë Apeli ka lënë në burg Gjokën si porositës të vrasjeve. Bashkë me të akuzohet edhe prokurori Xhevat Lita etj.
/a.r
