Raportuesi për Shqipërinë në BE, Knut Fleckenstein, ka përsëritur edhe një herë kërkesën e tij për çeljen e negociatave me Shqipërinë.
Duke iu referuar vizitës së tij në Shqipëri, javën e kaluar, eurodeputeti shkruan se vendi ka bërë përparim dhe se përfundimi është i qartë: Ne duhet të fillojmë tani negociatat, shkruan javanews
“Javën e kaluar vizitova përsëri Shqipërinë.
Përfundimi im është i qartë:
Ne duhet të fillojmë tani negociatat me këtë vend. Është bërë përparim, megjithëse ka mbetur ende shumë punë. S‘ka dyshim!
U inkurajova me të vërtetë nga të rinjtë që takova në Tiranë, tek qendra sociale Bregu i Lumit, apo në Universitetin e Durrësit.
Të gjithë ata meritojnë përpjekjet tona për t’a sjellë Shqipërinë më afër BE.
Ne mund të kemi opinione të ndryshme rreth shumë vendimeve politike, por për këta të rinj në Tiranë është e vlefshme për të punuar.
Dhe jam i sigurt se studentët e Durrësit do të na ndihmojnë,” shkruan Fleckenstein në facebook.
Eurodeputeti publikoi edhe disa foto nga vizita e tij në Shqipëri
Javanews/a.ç
