Eurodeputeti gjerman Knut Fleckenstein dhe njëkohësisht raportues i Shqipërisë në Parlamentin Europian në një prononcim për Report Tv deklaron se nëse Partia Demokratike do të dërgojë ligjin e Vettingut në Gjykatën Kushtetuese nuk do të ketë rekomandim pozitiv për Shqipërinë në progres raportin që do të publikohet në nëntor duke rrezikuar hapjen e negociatave.
Knut Fleckenstein shprehet se pret nga Partia Demokratike një sqarim se përse do ta dërgojë ligjin në Kushtetuese.
“Nuk e di pse PD do e dërgojë ligjin e Vetingut në kushtetuese. Por do u kërkoj sigurisht të ma sqarojnë.
Por nëse i dërgoni të gjitha ligjet në gjykatë Kushtetuese tashmë, nuk e di cfarë rekomandimi prisni për hapjen e negociatave?
E mbi çfarë mund të rekomandojë komisioni sepse gjithçka do të konsiderohet e hapur nga e para.
Por besoj se nuk do të ndodhë”.
Knut Fleckenstein përsa i përket luftës kundër kultivimit dhe trafikut të drogës, thekson se nuk do të ndikojë në progres raport, por në anëtarësimin në BE.
“Përsa i përket kanabisit, nuk e rrezikon rekomandimin, por do të rrezikojë anëtarësimin një ditë në të ardhmen, nëse nuk merren masa për këtë fenomen” tha ai. /a.m.
