Pak pas përfundimit të mbledhjes me aleatët, ku diskutuan edhe pikat e fundit për protestën e nesërme, kryetari i LZHK-së, Dashamir Shehi ka dhënë një prononcim për mediat. Ai theksoi se qëllimi i protestës është ndalja e kapjes së institucioneve.
Ai tha se me zgjedhjen e kryeprokurorit të ri me votat e shumicës, kërkohet që të mbyllen dosjet e vjetra. Sipas tij, askush nuk e kishte menduar se mazhoranca do arrinte deri te Kryeprokurori…
“Qëllimi jonë është të sensibilozojmë të gjithë shqiptare, pasi këtu kanë ndodhur të gjitha llojet e zullumeve. Këtu janë kapur të gjitha institucionet me radhë, por deri tek prokurori i përgjithshëm kishim menduar se nuk do të ndodhte. Shoqëria civile mjaftonte të kishin sjellë një kandidat këtu të formonim KLP-në dje sot e kishim emëruar prokuroni e ri do e kishte kaluar edhe vettingun. Do rezistojmë me të gjitha mjetet demokratike. Kjo që po ndodh është shumë e rëndë dhe do të zhvlerësojë reformën në drejtësi. Prandaj jemi nesër atje, që tu kujtojmë shqiptarëve që kjo është tallje me sistemin e drejtësisë”, tha Shehi.
