Flamurtari ka arritur të marrë një trepikësh me shumë vlera përballë Vllaznisë për javën e 14 të Superligës në takim e luajtur në Vlorë.
Ndeshja u zhbllokua shpejt pasi minutën e 8-ë Emiliano Musta realizoi pas një aksioni të gjatë duke dërguar topin në rrjetë. Më pas duhet të kalonte shumë kohë për të parë golin e dytë të Flamurtarit.
Pak para fundit, ekzaktësisht në minutën e 88-t Camara do t’ju jepte fund shpresave të shkodranëve për të dalë me pikë nga ky takim. Një zhgënjim tjetër për të besuarit e Ernest Gjokës që marrin humbjen e tretë radhazi pas asaj një javë më parë kundër Laçit dhe në Kupë kundër Tiranës.
Flamurtari pas 14 ndeshjesh renditet përkohësisht në vendin e dytë me 25 pikë në pritje të takimit të Kamzës që mund t’i marrë vendin. Ndërsa Vllaznia pozicionohet në vendin e 8-t me 12-t pikë duke rrezikuar jo pak pasi një fitore nesër e Luftëtarit bën që shkodranët të futen në zonën e ftohtë të renditjes.
KOMENTI LIVE
Mbyllet i gjithë takimi. Flamurtari 2-0
90’ 3 minuta shtesë.
89’ Largohet Kamara. Në fushë, Tungara.
88’ Kamara shënon me kokë, teksa porta e boshatisur, mbushet me topin e lojtarit të Flamurtarit.
87’ Sherri eviton një gol të sigurt, teksa pret një gjuajtje të bukur.
85’ Karton i verdhë edhe për portierin Nurkoviç të Flamurtarit, për vonim të lojës.
83’ Jakovljeviç zë vendin e Hoxhajt, në ndërrimin e dytë për vlonjatët.
74’ Shkodranët pretendojnë për 11-metërsh, teksa një top i larguar nga Pollozhani, prek edhe dorën e tij, sipas lojtarëve të Vllaznisë.
71’ Zëvendësimi i dytë për Vllazninë. Largohet Vucaj, në lojë Çinari.
65’ Siljanovski dërgon një top të bukur në zonë, por Danilo Alvesh nuk arrin ta shtyjë me kokë, nga fare pranë portës.
50’ Hoxhaj futet rrezikshëm në zonën e Vllaznisë, por mbyll Marku dhe dërgon topin në këndore.
Nis pjesa e dytë në Vlorë. Skuadrat e nisin ashtu siç e mbyllën.
Mbyllet pjesa e parë në Vlorë. Flamurtari 1-0 Vllaznia
45′ Tre minuta shtesë në pjesën e parë.
43’ Kombinime të bukura të shkodranëve në hyrje të zonës, më pas goditja shkon larg kuadratit.
40’ Kamara lëshon një goditje nga jashtë zonës, ndërsa Sherri nuk rrezikon dhe grushton me forcë.
38’ Karton i verdhë për Sidibe, tek radhët e Flamurtarit, për një faull të shkaktuar disa momente më parë.
37’ Pollozhani me një ndërhyrje vendimtare, ndaj Gilman Likës, teksa ky i fundit po shkonte drejt portës.
36’ Tjetër pasiguri e portieri Sherri. Era e fortë bën që një top të gjatë, të mos e kontrollojë dot dhe topi del në goditje këndi.
27’ Ndëshkohet me të verdhë Erjon Vucaj, për shkak të një ndërhyrje të rrezikshme.
21’ Zëvendësohet edhe Bushiç nga ana e vlonjatëve, prej dëmtimit. Në fushë Hyseni.
17′ Atsina me probleme fizike, nuk mund të vazhdojë më për shkodranët. Gjoka hedh në fushë Ribajn.
13’ Musta ka shansin e artë për të dyfishuar, por pas një harkimi, godet shumë lehtë me kokë.
8’ Emiliano Musta kalon në avantazh vlonjatët, pas një ngatërrese në zonën e portierit, topi u përplas në traversë, dhe Musta me portën bosh, nuk fal.
6′ Pas disa minutash ku ndeshja u ndërpre pasi mjekët ishin në fushë, pas përplasjes së Markut dhe Hoxhajt, rifillon takimi.
1’ Që në momentet e para, një përplasje mes Markut dhe Hoxhajt, kokë më kokë.
1′ Nis sfida.
(panorama sport)
Formacioni
Flamurtari: Nurkoviç, Siljanovski, Bicaj, Mersini, Musta, Sidibe, Pollozhani, Kamara, Hoxhaj, Alvesh, Bushiç.
Trajner: Shpëtim Duro
Vllaznia: Sherri, Gocaj, Gurishta, Orelesi, Marku, Krymi, Tafili, Vucaj, Hasani, Lika, Atsina.
Trajner: Ernest Gjoka
Gjyqtar: Olsid Ferataj
/BW
