Kryetarit të ri të Kuvendit të Maqedonisë, Talat Xhaferi i është dorëzuar sot “çelësi” i kabinetit edhe pse kishte kundërshtimen nga ana e ish kreut të Kuvendit Trajko Veljanoiski.
Shërbimet e Kuvendit tanimë kanë nisur edhe procedurën e publikimit të emërimit të tij në gazetën zyrtare për të përfunduar procesin e zyrtarizimit të tij për kryetar të Kuvendit, raporton alsat.
Pas këtij akti pritet që Xhaferi të njoftojë presidentin Gjorge Ivanov se në Kuvendin e Maqedonisë ka shumicë parlamentare dhe se mandati për kryeministër duhet ti ndahet liderit social-demokrat, Zoran Zaev.
Xhaferi takimin e parë e ka realizuar me ambasadorin e Bashkimit Evropian Samuel Zhbogar.
Teksa vihet re se në zyrën e tij Xhaferi përkrah flamurit maqedonas ka vendosur edhe flamurin shqiptar.
Një javë më parë mbështetës të VMRO pas zgjedhjes së Xhaferit të krye të Parlamentit mësynë në godinë duke ushtruar dhunë ndaj deputetëve dhe gazetarëve. Një veprim i cili thelloi edhe më shumë krizën politike ku ndodhet vendi./a.m.
