Ish ministri i Rendit, Falamur Noka, është kthyer prej disa kohësh në një nga figurat qëndrore të dhunimit të forcave të rendit. Duke përfituar nga fakti se është deputet i PD-së dhe ka mandat, ai i ka dhënë të drejtë vetes të fyejë, shajajë me fjalor banal, të dhunojë forca të policis, duke qenë shumë larg nivelit të një përfaqësuesi politik. Në disa video që qarkullojnë ai shfaqet mjaft i dhunshëm ndaj policis. Faktet janë ironike po të kihet parasysh se disa vite më parë ka drejtuar Policinë e Shtetit. Duke parë imazhet që ai vetë të ofron, kuptojmë qartë se në çfarë niveli mizerbaël ka qenë drejtuar Policia e Shtetit, e cila gjatë kohës që ai ishte në krye të këtij dikasteri rendi publik ishte një katastrofë e vërtetë. Protagonizmi i tij i dhunshëm më shumë se çdo gjë na bën të qartë se në çfarë niveli banal është katrandisur politika dhe sa të pameritueshme janë shpesh herë disa mandate që u jepen personave të veçantë, të cilët dhunën kanë të vetmin atribut politik. E për këtë ata do mbahen mend gjatë, por edhe personat që i futën në lista deputetësh.
