Raporti i DASH është cilësuar nga deputeti demokrat Flamur Noka si shenja e qartë që tregon se nën qeverisjen e të majtëve Shqipëria është kthyer në burim të drogës dhe vendit kryesor tranzit i të gjithë europës. Deputeti tha se raporti i Departamentit Amerikan të Shtetit vërtetoi se akuzat e opozitës janë të mirëqëna, kur vjen fjala për trafikun e dorgës në vend.
“DASH konfirmoi atë që kemi thënë vazhdimisht. Dalja e ministrit, dalje krenaristi. Ai del me paturpësi bashkë me kryeministrin e tij për një turp dhe një damkë që iu vu vendit tonë sot. DASH e cilëson në mënyrë të drejtpërdrejt që Shqipëria është prodhuesi kryesor i kanabisit në Europë dhe pikë transiti i drogave të forta. Konfirmim më të qartë dhe më të plotë se ky nuk ka për të treguar se në këtë vend qeverisin bandat dhe trafikantët të lidhur me Ramën e Tahirin. Ky raport konfirmon atë që shqiptarët e shohin”, tha Noka.
