Partia Socialdemokrate doli në krye të zgjedhjeve lokale në Rumani dhe kandidatja e tyre, Gabriela Firea, është bërë gruaja e parë që fiton bashkinë e Bukureshtit, sipas rezultateve të pjesshme të publikuara sot.
Ish-gazetare më pas senatore socialdemokrate (PSD), Firea, 43 vjeç, ka marrë 43,56 për qind të votave gjatë zgjedhejve të djeshme, sipas Zyrës Qendrore Zgjedhore të Rumanisë.
Ajo ndiqet nga kandidati i Unionit për Shpëtimin e Bukureshtit, Nicusor Dan, një matematicien mbrojtës i trashëgimisë së qytetit, me 29,05 për qind të votave.
Bashkia e kryeqytetit aktualisht drejtohet me mandat të përkohshëm, sepse ish-kryebashkiaku, Sorin Oprescu, i mbështetur nga PSD-ja, është në hetim për një aferë korrupsioni. (java / r.a)
