Callum Fitzpatrick, i cilësuar si një nga fituesit më të rinj në moshë të Lotarisë Kombëtare në Britani, ka humbur jetën në mënyrë të mistershme.
Ai e fitoi lotarinë kur ishte 16 vjeç, para 7 vitesh dhe humbi jetën tani në moshën 23-vjeçare, në rrethana ende të paqarta. Kur u bë fitues i 390 mijë paundëve ai punonte në marketin e prindërve të tij në belfast, ndërsa ishte tifoz i çmendur i Manchester United.
Kur mbushi 17 vjeç pati thënë se do të blinte një makinë që të shkonte ta shikonte ekipin e tij të zemrës duke luajtur në Old Trafford. Zëdhënësi i ekipit, Ballymartin GAC tha se klubi ishte i tronditur nga ky lajm. “Na u thye zemra”, u shpreh ai.
Ai la pas babain, nënën dhe tre motrat. Callum sapo ishte diplomuar për inxhinieri në Universitetin e Ulsterit.
/b.h
