Kryebashkiakiu Erion Veliaj ka shtruar në ambientet e një prej qendrave sociale drekën e Bajramit të Madh për njerëzit në nevojë.
Ai ka shërbyer, së bashku me deputeten e PS, Blerina Gjylameti ushqimin për dhjetëra persona, të cilët kjo ditë e shenjtë i ka gjetur në shtëpitë e tyre me tryeza të boshatisura.
Veliaj tha se muaji i Ramazanit na kujton se duhet të jemi sa më solidarë, sa më pranë nevojave të njerëzve dhe të njerëzishëm.
“Ka qenë një muaj i shenjtë. Ky është një muaj reflektimi për të bërë distancë. Muaji i Ramazanit ishte një muaj për të dhënë mesazhe për mbarësi dhe mirësi. Sot në qendrën sociale janë kuzhinierët më të mirë për të shërbyer sa më mirë. Nuk duhet të harrojmë njezërllëkun, pasi është shumë i rëndësishëm. Uroj sa më shumë shëndet për të gjithë”, tha ndër të tjera Veliaj.
Më parë Veliaj dhe deputetja socialiste ishin për vizitë me rastin e festës së Fiter Bajramit në kryegjyshatën Botërore Bektashiane në Tiranë.Veliaj deklaroi se bashkëjetesa fetare është mësim për politikën.
“Politika, mos të jap mend fesë, por të marrë mend nga feja”, tha Veliaj.
“Moment shumë i reflektuar për të gjithë, më shumë të angazhuar për të çuar përpara Shqipërinë. Politika të marr mësim nga feja”, tha Gjylameti.
g.kosovari
