Prej mesditës disa zona në Tiranë vuajnë mungesën e energjisë elektrike. Bëhet fjala për zonat rreth shinave të trenit, Mine Peza, “Harry Fulz”, Prokuroria, një pjesë e Babrrusë, etj, Ndërkohë, Operatori i Shpërndarjes së Energjisë Elektrike ka deklaruar se shkak i kësaj ndërprerje është bërë një firmë private, e cila sipas saj ka dëmtuar dy fiderat e OSHEE-së.
“Prej 25 minutash, disa zona të Tiranës rreth shinave të trenit, Mine Peza, “Harry Fulz”, Prokuroria, një pjesë e Babrrusë, etj, nuk kanë energji elektrike pasi një firmë private “Copri Aktor”, duke punuar për llogari të projektit për zgjatimin e Bulevadit, dëmtoi dy fiderat e OSHEE-së, e për pasojë dha impakt negative në dy fidera të tjerë.
Aktualisht brigadat e OSHEE, siç duket në foto (edhe fiderat e dëmtuar) janë duke marrë masat e menjëhershme për të rregulluar defektin. Sakaq, kompania OSHEE është duke marrë masa ligjore ndaj subjektit privat për dëmin e shkaktuar”, thuhet në njoftimin e OSHEE-së.
BW/d.i.
