A ju ka rënë rasti të dëgjoni një çift, të cilët për 25 vjet me radhë kanë kënduar ‘Siamo la coppia piu bella del mondo’.
Kudo ku ndodheshin në shtëpi apo në familjet e miqve dy personazhet e këtij shkrimi këndonin të njejtën këngë italiane, mjaft të njohur nga interpretët e tyre Cladia Mori dhe Adriano Çelentano.
Firdesi shqiptare dhe Sabino Italian nuk jetojnë më.
Zonja ka ndërruar jetë disa orë më parë, ndërsa bashkëshorti u shua para tre javësh, ndërsa kishin vendosur më parë që të bashkoheshin përsëri në varrezën e re të Durrësit, qytetit ku u martuan në vitin 1999.
Sabino Lavacca kishte mbërritur nga qyteti jugor i Cerignolas, një qytezë e vogël, e njohur si vendlindja e aktorit e viteve ’50, Gino Cervi.
Shkak për ardhjen në Durrës ishte bërë një mikeshë e përbashkët, dhe lidhja me Firdes Kasin ishte fatlume.
Të afërmit dëshmojnë për një bashkim të bukur të dy njerëzve, të cilët për shkak të moshës nuk patën fëmijë, por i dhanë njeri tjetrit kaq shumë dashuri, saqë u bënë një shembull i mirë për këdo që i njohu.
Fqinjët e moshuar shpesh e thërrisnin “bambino”, agronomin italian Sabino, i cili solli në kuzhinë të rejat e ushqimit italian.
Në shëtitjet e mbrëmjes ata të dy nuk dallonin nga të rinjtë kur kapeshin për dore, e kur ndalonin me miqtë e tyre të pakët.
U mjaftonin njeri – tjetri edhe kur vizitonin destinacione më të largëta, si Saranda, apo Shkodra.
U pëlqente Durrësi dhe nuk u larguan thuajse asnjë ditë nga Shqipëria.
Jetuan pranë njeri tjetrit, edhe kur sëmundja i lodhi, por pa harruar të kujdeseshin për shëndetin e tjetrit.
Kur lexova sot shpalljen funerale për vdekjen e Firdesit, 77 vjeç, mu kujtua se kanë kaluar vetëm tre javë që kur Sabinon, 92 vje[, e përcollën në varrezën e Durrësit.
E me siguri duke kujtuar harmoninë me të cilën jetuan 25 vjet me radhë dy bashkëqytetarët tanë nga Durrësi dhe {erignola, dikush do të këndojë nën zë këngën e tyre “Siamo la coppia piu’ bella del mondo”./Gëzim Kabashi
