Në qarkun e Fierit PS siguroi 9 mandate, ku deri tani që janë numëruar 124 qendra votimi nga 580 të tilla, votat më të larta preferenciale i ka marrë Lindita Buxheli me 1747 vota, e pasuar nga Erion Braçe me 1411 vota dhe Gramoz Ruçi me 1387 vota. I ndjeri Bashkim Fino ka marrë 31 vota në këtë qark, deri më tani kur janë numëruar 124 nga 580 Qendra Votimi në procesin e numërimit të votave për kandidatët.
Ndërsa në listën e PD e cila si siguroi 6 mandate më i votuari është Agron Kapllanaj duke marrë 3347 vota. Kapllanaj është i renditur i 7 në listë që më këtë ritëm mund të thyej herësin dhe të futet në listën fituese. Më pas më i votuari është Edmon Çepele me 1636 vota preferenciale, i cili është i rendituri i 16-i në listën e PD, i ndjekur nga Saimir Korreshi me 1604 vota. Emrat e njohur të PD që kanë mbrojtur me pasion kauzat e partisë si Enkelejd Alibeaj dhe Luan Baçi deri tani nuk janë tepër të votuar, duke marrë konkretisht Alibeaj 915 vota dhe Baçi 203 vota deri tani.
Në Fier një mandat ka marrë edhe LSI, ku kandidon edhe Monika Kryemadhi. Vetë Kryemadhi ka mundur të sigurojë deri tani vetëm 240 vota, ndërsa Ardian Alushi i rendituri i 6 në listën e LSI ka siguruar më shumë vota se ajo 577 të tilla nga 124 kuti të numëruar nga 580 që janë gjithsej.
g.kosovari
