Deputeti dhe njëkohësisht ish-kryeminsitri socialist Bashkim Fino, ishte i pranishëm në aktivitetin e Partisë Socialiste në kuadër të anëtarësimeve të reja. Gjatë fjalimit të mbajtur, Fino vlerësoi arritjet e deritanishme të qeverisë së majtë, dhe nuk nguroi t’i përgjigjet akuzave të Ben Blushit ndaj lidershipit aktual.
Fino tha se partia tashmë ëhstë në riorganizim, nga strukturat e bazë deri në qendër, dhe kjo sipas tij nuk mund të bëhej para implementimit të reformës territoriale.
Fino tha se statuti me të vërtetë është shkelur, por se atij do t’i bëhen ndryshimet e duhura që do votohen më pas në kongres, bindshëm, sipas tij.
“Në PS zgjedhjet nuk fillojnë nga lart- poshtë, por nga poshtë-lart, nga organizata deri te kryetari, pyes mikun Blushin, e çmoj jashtëzakonisht shumë, pse nuk janë të shqetësuar këta shokë për zgjedhjet në PS por vetëm për kryetarin? Është organizata ajo që është forca kryesore e partisë. Nuk është një kryetar partie kushdoqoftë ai, mos vallë këta janë qëllime personale? Dhe kjo është normale, në politikë kontribuon edhe për qëllime personale por ne na duhet familja jonë e madhe e PS”- tha ai.
Fino, si njohës i statusit ka sqaruar se ai është shkelur, por ka sqaruar se përse nuk u bënë zgjehdjet në PS.
“Në 2013 fituam zgjedhjet me atë program që na foli Rama në fushatë, ai u votua, ishte programi tonë elektoral, edhe ai që e votuam në kuvend kur votëbesuam qeverinë. Pas dy tre muajsh duhet të bënim zgjedhjet, por ishim në mbledhje kryesie dhe unë e Blushi, askush nuk e preku që ishte shkelur statuti me një muaj e ca, e lamë me koshiencë, iniciativë të lirë se kushdo që do të kuptonte që ne do riorganizionin partinë, kur morëm 1 milionë vota dhe anëtarë partie kemi 100 mijë, do ishte shte hipokrizi, që të bënim votime.
PS është parti elektorale dhe do veprojë sipas ndarjes elektorale, ndaj edhe ne nuk i bëmë në 2013 dhe ky është argument, ndaj nuk e futëm në lojë PS në 2014. Pas zgjedhjeve në bashki, mblodhëm asamblenë, e thamë tani të riorganizojmë partinë mbi 61 bashki, 61 kryetarë PS. Më thoni, në 2013-2015, asnjë nga zërat e miqve të mi nuk thanë asgjë fjalë dhe nuk u shqetësuan për zgjedhjet në PS, sepse ne ishim në një proces tjetër, tani mund të kërkosh cdo gjë dhe po ta shohësh në mënyrë hermetike si statuti e vërtetë është shkelur, por ai bën rregulla që i zbatojmë ne, dhe bashkë ne do miratojmë statusin me ndryshimet përkatëse në kongresin e ardhshëm.
Të vësh kalë troje statutin dhe pas tij të hapësh krahun e të godasësh qeverinë për cdo gjë të mirë që është krijuar, kujtoj që qeveria ka mandat 4 vjecar. Ne jemi në rrugën e duhur në parti dhe qeveri, reformat e rëndësishme janë bërë, në energji, thuaj një fjalë të mirë për këtë reformë, energjitikë, në polici, për Lazaratin”- tha ai, duke lëvduar ministrin Tahiri si shumë të suksesshëm në punën e tij.
