Ministria e Financave njofton se bazuar në informacionet e shumta, konstaton me shqetësim se disa drejtues apo punonjës të drejtorive rajonale të tatimeve dhe degëve doganore, po ushtrojnë presion të hapur ndaj punonjësve të administratës fiskale.
Sipas MF, këta zyrtarë u kërkojnë vartësve të tyre të deklarojnë subjektin politik për të cilin do të votojnë ndërkohë që në disa raste i kanë detyruar edhe të dorëzojnë kartat e identitetit për vete dhe familjarët e tyre.
“Veprime të tilla janë të papranueshme dhe në shkelje të hapur të ligjit. Ministria e Financave u bën thirrje drejtuesve të degëve doganore dhe atyre tatimore të ndalojnë menjëhere presionet dhe shantazhet ndaj administratës në varësi përndryshe do të përballen me sanksionet më të rënda që parashikon ligji” – thuhet në njoftim. /b.d
