everia ka qënë shumë e qartë në programin e saj që do bëjë të gjitha përpjekjet për të sjellë borxhin publik nën kontroll. Këto përpjekje janë njohur nga të gjitha organizatat ndërkombëtare dhe është reflektuar dhe në uljen e kostos së borxhit.
Ministria e Finanaceve përmes një njoftimi për shtyp, informon publikun se, “niveli i lartë i borxhit është produkt pikërisht i atyre që sot bërtasin “borxhi i lartë”. Sikur po këta individë të kishin dëgjuar këshillat e ndërkombëtarëve vite më parë tani rreziku dhe kostoja e borxhit publik do të ishte shumë më i ulët për shqiptarët, citon njoftmi i MF-së.
Si dikur, vijon njoftimi i MF-se, Partia Demokratike e Shqipërisë, ka një lexueshmëri të kufizuar të mesazheve të ndërkombëtarëve, duke i shtrembëruar ato deri në mashtrim ndaj shqiptarëve. Gjithë bota ndjente peshën e krizës globale, por qeveria e asaj kohe nuk pranonte as të përmendej fjala krizë. Borxhi rritej, qeveria teorizonte që rreziqet e borxhit të lartë mbi 60% janë ulur.
“Tregjet dhe investitorët po i kthenin kurrizin, qeveria si pa të keq nuk paguante faturat, shtë e pakuptueshme se si po këta individë kanë kurajon sot të riciklojnë ato qëndrime të ndërkombëtarëve që deri dje i anashkalonin gati me përbuzje. E vërteta mbi menaxhimin e borxhit publik është lehtësisht e verifikueshme nga mbështetja që i japin ndërkombëtarët politikave të qeverisë aktuale”, citon njoftimi i MF-se, ndersa konfirmon , se borxhi publik do të vijë në ulje graduale, si rrjedhojë e atyre reformave që qeveria e mëparshme nuk pati kurajon t’i ndërmerrte. Reforma e pensioneve, reforma e sektorit të energjisë, reforma e pronave, përmirësimi i administrimit të të ardhurave, janë të gjitha këto reforma që do të çojnë në uljen e rreziqeve fiskale dhe të borxhit publik dhe jo ulja e shpenzimeve publike.
Flasin për borxhe të reja, duke i ngatëruar shqiptarët me rinovimin e borxhit aktual, me një kosto disa herë më të ulët se nivelet rekord që arritën në atë kohë. Edhe kjo, rezultat i konfidencës së rritur të tregjeve te politikat e qeverisë shqiptare.
Edhe njëherë, Ministria e Financave garanton angazhimin e saj ndaj publikut për të ulur borxhin publik në periudhën afatmesme, për t’i siguruar ekonomisë një barrë të ulët interesash dhe kostosh. Çdo gjë tjetër është një demagogji boshe për të mbuluar faturën e lartë që i lanë shqiptarëve ata që sot pretendojnë se shqetësohen për borxhin e lartë publik. Zotërinj, duhet të ishit shqetësuar 8 vite më parë!, thuhet në njoftimin e Ministrisë së Finanacve.
