Kryeministri Edi Rama, gjatë një takimi elektoral në Kukës, deklaroi se financat e shtetit janë të sigurta.
“Në 4 vitet e ardhshme do të financojmë 100 milionë dollarë për rrugët që lidhin tregun me prodhimin. I kemi të sigurta financat e shtetit, nuk kemi më borxhe. Jemi gati që rrogën minimale ta çojmë në 30 mijë lekë. Jemi gati që rrogat në administratë t’i rrisim me 40%”, premtoi Rama.
Kryeministri bëri edhe një herë thirrje që në “në zgjedhjet e 25 qershorit të mos shkojmë të ndarë nën flamujt e partive”.
“Në çdo vend po ngrihet fryma e bashkimit në një vizion për kombin tonë”, theksoi Rama.
Ai i bëri një kërkesë të veçantë grave të Kukësit, të cilave ju tha se duhet ta ndëshkoni kreun e PD-së Lulzim Basha.
“Asnjë kandidate grua nuk ka zgjedhur në këtë qark. Ka ardhur koha që ju gratë e Kukësit ta ndëshkoni me votë për këtë zgjedhje”,- tha Rama.
Në krah të cilit ka qënë kryesuesja e listës së kandidatëve për deputetë në këtë qark, Mimi Kodheli dhe kandidatja për Tropojën Valbona Doçi.
“Në shumë vite keni dëgjuar, po dëgjoni të tjerë që premtojnë çudira, si ato që do ulin taksat komplet dhe do rrisin shpenzimet.
Politika e përçarjes e cila është ushqyer prej kaq shumë vitesh nga votat e njerëzve të zakonshëm është armiku më i madh. Unë nuk iu them demokratëve nxirreni Saliun nga zemra, vota është çështje mendje jo çështje zemre.
Kur votoni duhet të mendoni për atë që do të bëjë punët e vendit, jo për t’i gjetur një punë Lulit në qeveri”,- u shpreh
a.ç
