Kryetari i Partisë Demokratike, Lulzim Basha, ka publikuar sot të dhënat e Ministrisë së Financave në tatime, ku sipas tij, 160 milione dollarë i përkasin evazionit dhe korrupsionit vetëm në shtatë muaj.
Kryetari i PD-së, Basha, publikon në statusrin e tij Facebook një skemë grafike të të ardhurave nga tatimet mbi vlerën e shtuar në milonë lekë për 6-mujorin e parë për vitin 2014, ku ishin 61,000 milionë lekë, ndërsa për vitin 2015, ishin 58,000 milionë lekë. Për diferencat kundrejt planit të qeverisë 2015 në 6-mujorin e parë, ku sipas skemës grafike, tatimi mbi vlerën e shtuar është -3.3%, aksiza -24.6%, tatimi mbi të ardhurat e personit -22.4%, taksa nacionale dhe te tjera -14.8%, taksa doganore -11.9% dhe sipas tij, ky është burim i Ministrisë së Financave.
“Ja të dhënat e Ministrisë së Financave që ju fshihet Rama. 160 milionë dollarë kontrabandë, evazion dhe korrupsion në vetëm 7 muaj”, shkruan Basha.
