Kandidati i Aleancës për Shqipërinë Evropiane për Bashkinë e Korçës, Sotiraq Filo është vetëm një hap larg zyrtarizimit si kryebashkiaku i ri i këtij qyteti.
Në një prononcim për Top Channel, Filo ka vlerësuar se modeli i suksesit i arritur ndër vite në Bashkinë Korçë tashmë do të shtrihet edhe në fshatrat e komunat që asaj i janë bashkuar në kuadër të ndarjes së re territoriale.
“Ne, në vitet e fundit kemi ndërtuar një model suksesi të transformimit të Korçës dhe tani presim që këtë model ta shtrijmë edhe në fshatrat e komunat që i janë bashkuar kësaj bashkie”, ka deklaruar Filo, i cili ka shprehur bindjen se ASHE do të dominojë edhe në Këshillin Bashkiak. Nga sondazhet që kemi bërë presim një fitore po aq të madhe edhe në garën e Këshillit Bashkiak. Jam i bindur se koalicioni i majtë do të jetë fitues me një numër të konsiderueshëm mandatesh”, tha Filo
