Trembëdhjetë nëntori ishte Dita Botërore e Bamirësisë. Vetëm një akt i vogël i mirësisë mund ta ndryshojë botën. Njëra prej të devotshmeve më të mëdha të fuqisë së mirësisë ishte Nëna Terezë, cila në vitin 1979 fitoi çmimin “Nobel” për paqe, falë punës së saj në ndihmë të të uriturve dhe të sëmurëve në lagjet e varfra të Kalkutës. “Mos kërko gjëra të mëdha, vetëm bëjë gjëra të vogla me dashuri të madhe”, kishte thënë Nëna Terezë. Më datën katër të muajit dhjetor, rrëfimi filmik për jetën e saj, “The Letters” do të shfaqet premierë botërore nëpër tërë kinematë e Shteteve të Bashkuara të Amerikës, transmeton “Koha Ditore” shkrimin e HuffingtonPost.
Juliet Stevenson portretizon Nënë Terezën derisa aty shpalosen 50 vite të jetës së saj. Filmi i kushton vëmendje punës së saj, shtypjes së saj politike, zellit religjioz, shpirtit dhe egos së saj dhe se si ndikoi ajo në jetët e shumë njerëzve. “The Letters”, ku luajnë edhe Max Van Sydoë dhe Rugter Hauer, shpaloset përmes letrave personale të cilat Nëna Terezë i kishte shkruar në 40 vitet e fundit të jetës së saj. Letërkëmbimi zbulon një grua të ndjeshme, humane e cila ndihej e izoluar dhe e vetmuar.
Ëilliam Riead, pos regjisë, shkroi edhe skenarin e “The Letters”, ishte inspiruar për të bërë këtë film pas dy ngjarjeve të mëdha: Sulmit të 11 shtatorit të vitit 2001 dhe pasi pa filmin “Gandhi” të Richard Attenboroughut.
“Ky film ka bërë ndryshim dhe pati efekt të thellë tek unë. Ndërsa 11shtatori pati ndikim tek të gjithë ne”, ka thënë Riead. “Doja ta bëja një film ku të përplasja anët e kundërta të asaj së keqeje – një film që do të ketë rëndësi. E shembulli më i mirë që mund të mendoja kur përmendet mirësia, është pa dyshim Nëna Tereza”.
