Ka nisur seanca për konfirmim ose jo të aktakuzës në rastin “Toka”. Seanca është teknike, prandaj gjyqtari ka treguar se seanca është e mbyllur për publikun.
“Para se të filloj dua të them për mediat se kjo është seancë teknike ku konfirmohet ose jo aktakuza, pra është teknike dhe e mbyllur për publikun kështu edhe për mediat.
Por, ju mund të merrni disa sekuenca dhe të largoheni. Nëse do të ketë shqyrtim kryesor, do të keni mundësi të jeni pjesë e gjykimit”, ka thënë kryetari i trupit gjykues Arcadius Sadek, raporton KTV.
Në rastin “Toka” të akuzuar janë 40 persona në mesin e tyre Azem Syla, ish deputeti i PDK-së, Fahredin Gashi, Shpresim Uka e të tjerë të dënuar edhe në rastin Bllaca. Azem Syla vazhdon të jetë paraburgim. (b.an)
