Pas lajmit të publikuar këtë të premte se grupi i investitorëve kinezë i drejtuar nga Huan Li dhe Yonghong Li mori nën administrim aksionet e Milanit, kanë filuar lëvizjet e para te kuqezinjtë.
Mediat italiane shkruajnë se drejtori i përgjithshëm i Milanit do të jetë Marko Fasone, administrator në të kaluarën i Juventusit, Interit dhe Napolit.
Fasone punon në botën e sportit që nga viti 2003. Ai pritet të marrë drejtimin në muajin dhjetor, kohë në të cilën pritet të përfundojë kalimi i pronësisë së Milanit te kinezët.
Fasone
Berluskoni do të ketë rolin e presidentit të nderit edhe pas shitjes së Milanit, ndërsa pikëpyetje ngrihen për rolin e Galianit te kuqezinjtë.
Kinezët pritet të shpenzojnë 740 milionë euro, përfshirë edhe 220 milionë borxhe të klubit, në mënyrë që të përmbyllet blerja e aksioneve./panorama/a.k
