Shiu i parë pas verës do të vijë në shtator. Fillimi i muajit do të sjellë reshje dhe vranësira, megjithatë temperaturat e larta do të jenë prezente, duke bërë që vapa të mos largohet me gushtin.
Shtatori do të sjellë shi. Pas ditëve të nxehta përvëluese të gushtit dhe thatësirës në shumicën e vendit, java e parë e shtatorit vjen me reshje shiu dhe vranësira në gjithë vendin.
Adiola Bani: Duke filluar që të dielën pasdite dhe të hënë, do të sjellë vransira në territor sidomos në zonat malore ku priten rrebeshe afatshkurtre shiu. Në zonat malore parashikohet të kemi edhe stuhi ere, të shoqëruar edhe me stuhi breshëri. Kryesisht zona jugore dhe qendra të marrin shira të hënë, të martë dhe të mërkurën.
Megjithatë, vapa nuk ikën me gushtin. Metereologia, Adiola Bani, thotë se temperaturat e larta mbi 30 gradë do të vijojnë të jenë prezente.
Adiola Bani: Kryesisht 10-ditëshi i parë i shtatorit do të jetë me vlera termike relativisht të larta krahasuar me muajin që hyjmë, sepse zyrtarisht hyjnë në vjeshtë. Temperatura do të luhatet nga 30-32 gradë celsius.
Sipas meteorologes, ky vit do të mbyllet me vlera më të larta të temperaturave sesa mesatarja e viteve të kaluara./l.m
