Dy peshkatarë nga Filipinet kanë gjetur trupin e dekompozuar të një 59-vjeçari gjerman, në jahtin e tij të braktisur në oqeanin Paqësor, pranë brigjeve të Barobos.
Falë dokumenteve të gjetura në jahtin e tij, ai është identifikuar si Fritz Bajorat. Trupi i dekompozuar është gjetur pranë një radio-telefoni që le të kuptohet se ai është përpjekur të telefonojë dikë para se të ndërronte jetë.
Nga verifikimet e bëra policia thotë se ende nuk mund të përcaktojnë nëse e kanë vrarë apo ka vdekur nga shkaqe fizike.
Temperaturat e ultra dhe kripa e detit kanë mundësuar ruajtjen e trupit të ngurtësuar, por sipas ekspertizës ende nuk dihet se prej sa kohësh ndodhet aty trupi i pajetë. Tashmë trupi është dërguar për kryerjen e autopsisë dhe jahti është tërhequr në portin e Barobos për një ekspertizë të detajuar.
Dy peshkatarët të cilit gjetën 59-vjeçarin, thanë se ishin duke peshkuar gati 40 milie larg jahtit. Pasi e kanë dalluar jahtin, ata i janë afruar dhe kanë parë se ishte i braktisur dhe pak i dëmtuar. Ata janë futur brenda tij dhe kanë arritur të gjejnë edhe kufomën e gjermanit.
