E ardhmja e futbollit të klubeve mund të ndryshojë në mënyrë rrënjësore të nesërmen e këshillit të FIFA-s, pasi takimi i programuar në mars në Majemi do të prekë shumë turne, mes të cilëve dhe botërorin.
Presidenti i FIFA-s, Xhani Infantino, dëshiron ta bëjë ktë turne të ngjashëm me Kupën e Botës, mirëpo deri tani ka hasur në oponencën e UEFA-s.
Zvicerani që pasoi bashkëkombasin e tij Blater po kërkon të lërë gjurmë përmes reformave rrënjësore, dhe pikërisht këtë turne, e cilëson të vjetër në format dhe në imazh. Ideja e Infantinos mund të bëhet realitet në rast se ajo e merr miratimin e Këshillit të FIFA-s në Mars, garë e cila do të zhvillohej çdo dy apo tre vjet dhe ku do të përshiheshin së paku 24 klube, shkruan “TCH”.
“Propozoj që ta bëjmë një kupë bote të vërtetë e cila do ti japë të drejtën e pjesëmarrjes të gjithë kontinenteve.”, ka deklaruar Infantino.
Këshilli i FIFA-s pritet të mbështesë edhe rikthimin e Kupës Interkontinentale, ndërsa pritet të miratohet edhe propozimi i Infantinos që Kupa e Botës në të ardhmen të ketë 48 ekipe dhe ky plan të zbatohet që nga turneu i 2022 në Katar.
Por risitë nuk ndalen këtu. Reagimet pozitive ndaj Ligës së Kombeve, kanë bërë që edhe FIFA ta shqyrtojë mundësinë e përdorimit të një formati të ngjashëm që do zëvendësonte Kupën e Konfederatave. Në një vit elektoral si 2019, gjithçka justifikohet.
/a.meta
