Ish-presidenti i FIFA-s, Sepp Blatter do të përballet me një hetim për akuza të shumta, përfshirë këtu për ryshfet dhe korrupsion.
Komiteti i Etikës së FIFA-s të premten ka thënë gjithashtu se procedura hetimore ka hapur edhe nsaj ish-sekretarit gjeneral, Jerome Valcke, dhe ish-drejtorit të financave dhe shërbimit të korporatave Markus Kattner, shkruan CNN.
Ky konfirmim vjen në të njëjtën ditë kur janë dënuar Jeffrey Ëebb, ish-zëvendës president në FIFA dhe CONCACAF, i cili është dënuar me largim të përjetshëm nga sporti dhe me një gjobë prej 1 milion franga.
Dhoma hetimore e FIFA-s ka bërë të ditur se Blatter, Valcke, dhe Kattner dyshohet se kanë shkelur rregullat që përfshijnë konfliktin e interesit, dhënien dhe pranimin e dhuratave dhe përfitimeve të tjera, besnikërinë, dhe rregullat e përgjithshme të sjelljes.
Gjithashtu edhe ryshfetin dhe korrupsionin, në kuadër të pagave dhe shpërblimet e tjera të dispozitave në kontratat e tyre.Kattner është duke u hetuar edhe për shkelje të mundshme të kodit të etikës, përfshirë edhe konfidencialitetin.
Avokatët e FIFA-s thonë se kanë prova që sugjerojnë se kjo treshe e ka shpërblyer veten me rritje pagash dhe bonuse që kap shumën totale prej 80 milionë dollarë gjatë viteve të fundit të tyre në zyrë, ndërmjet viteve 2011-15.Blatter dhe Valcke tashmë janë të dënuar për pjesëmarrje në futboll, citohet Koha. (b.an)
