FIFA e ka dënuar për jetë presidentin e Federatës së Futbollit të Brazilit, Marco Polo Del Nero. FIFA ka lëshuar një komunikatë për shtyp ku e dënon për jetë presidentin e Federatës së Futbollit të Brazilit, Marco Polo Del Nero per marrje rryshfeti.
Ndalesa që ai të merret me aktivitete të futbollit si në aspektin kombëtarë ashtu edhe ndërkombëtarë hynë në fuqi menjëherë.Del Nero akuzohet se ka marrë ryshfet në shkëmbim për të shpërblyer kontraktor, kompani dhe të drejtat televizive për media për turne të ndryshme futbolli, përfshirë Kupën e Amerikës dhe Kupa Libertadores.
“Vendimi i është dorëzuar edhe del Neros dhe ndalimi do të hyjë në fuqi menjëherë pas këtij njoftimi”, thuhet në një deklaratë të FIFA-s të premten.
Del Nero do të dënohet me një milionë franka zvicerane si pjesë e këtij dënimi.Zëvendëspresidenti i FFB, Antonio Carlos Nunes de Lima do të merr rolin e Del Neros deri në zgjedhjen e një kryetari të ri, përgatiti ”GazetaExpress”. (b.an)
