Policia e Fierit ka vënë në pranga një 31-vjeçar, pasi është kapur duke vjedhur në një qendër tregtare, por i janë zbuluar edhe tre vjedhje të tjera në pak ditë.
Specialistët për Hetimin e Krimeve në Komisariatin e Policisë Fier, arrestuan në flagrancë shtetasin F.G., 31 vjeç, banues në Patos.
Arrestimi i këtij shtetasi u bë pasi në një qendër tregtare në Fier, dyshohet se ka vjedhur disa rroba por është kapur në flagrancë nga shërbimet e policisë duke tentuar të largohej.
Policia shton se i riu është autor i dyshuar edhe i disa vjedhjeve të tjera, konkretisht:
-Në datë 04.07.2019 dyshohet se ka vjedhur disa metra kabëll elektrik në lagjen “Kryengritja”.
-Në datë 07.07.2019 dyshohet se ka vjedhur disa metra kabëll elektrik në lagjen “8 Shkurti”.
-Në datë 09.07.2019 dyshohet se ka vjedhur disa metra kabëll elektrik në qytetin e Fierit.
Materialet i kaluan Prokurorisë pranë Gjykatës Shkallës së Parë Fier për veprime të mëtejshme proceduriale.
/a.r
