Policia e Vlorës ka asgjësuar 2303 rrënjë bimë narkotike gjatë ditës së djeshme në dy fshatra të qytetit bregdetar.
Burime policore bëjnë me dije se rrënjët narkotike ishin të ndara në 21 Parcela.
Në fshatin Romës, Policia ka zbuluar dhe asgjësuar me djegie 16-parcela me 1328-rrënjë bimë narkotike “Canabis”. Këto bimë ishin të mbjella në vendin e quajtur “Arra e Evgjitit” dhe gjatësia e tyre varionte nga 80 – 130 cm.
Në fshatin Sevaster, Policia ka zbuluar dhe asgjësuar me djegie 5-parcela me 975-rrënjë bimë narkotike “Canabis”. Këto bimë ishin të mbjella në vendin e quajtur “Pylli i Tulapit” dhe gjatësia e tyre arrinte nga 30 – 160 cm. Policia po punon për identifikimin e kultivuesve dhe kapjen e tyre.
Ndërkaq, lufta ndaj narkotizmit nuk është ndalur vetëm në Vlorë. Kështu në Berat, policia ka sekuestruar 5 541 kilogram lëndë narkotike. Sipas burimeve nga kjo polici mësohet se është shpallur në kërkim shtetasi A.S 24 vjeç banues në Kuçovë, pasi gjatë kontrollit në banesën e tij u gjetën dhe u sekuestruan 5.541 kg, lëndë narkotike e llojit Canabis Sattiva.
Në vijim të operacioneve antikanabis,nga puna e efektiveve të Drejtorisë së Policisë
së Qarkut Fier, për evidentimin dhe asgjësimin e bimëve narkotike, u goditën dy raste të kultivimit të bimëve narkotike. Në fshatin Poçem Mallakaster, në një parcelë në mes të një pylli, u gjetën dhe u asgjësuan 250 bimë narkotike të llojit Cannabis Sativa.
