Një histori e ndodhur në një fshat të Fierit, ka tronditur opinionin publik në vend. Margarit Ç., 67 vjeç mësohet se ka abuzuar seksualisht me nusen e djalit, Lindita Ç., 35 vjeçe, për 15 vite me radhë. Gjithçka ka nisur pas viteve 2000. Arben Ç., 40 vjeç ishte martuar në atë kohë me Lindita Ç, në atë kohë 20 vjeçe. Arbeni, pasi ka kaluar disa ditë të lumtura me bashkëshorten, është nisur në emigrim drejt Greqisë, për të sjellë të ardhura në familje.
Menjëherë pas largimit të Arbenit drejt shtetit grek, bashkëshortja e tij Lindita, ka rënë pre e dhunës seksuale të vjehrrit të saj, Margaritit. Vjehrri, ka ushtruar për më shumë se një dekadë, në mënyrë të përsëritur, dhunë seksuale mbi gruan e djalit të tij. 67-vjeçari ka kryer marrëdhënie seksuale me Lindita Ç., nën ushtrimin e dhunës psikologjike dhe fizike.
Lindita ka rrëfyer se vjehrri i kishte thënë që të mos fliste, pasi nga kjo histori, dilte ajo e humbur. Në këto kushte, raporti intim mes vjehrrit dhe nuses, ka vazhduar për vite me radhë. Ndërkohë, gjatë kalimit të viteve, ajo ka lindur fillimisht dy fëmijë, e më pas edhe një të tretë. Nuk dihet ende nëse fëmijët kanë lindur nga raporti intim mes gruas dhe vjehrrit apo Lindita i ka të tre fëmijët me bashkëshortin e saj, Arbenin, raporton “Shqip”.
Gruaja e dhunuar seksualisht nga vjehrri, përpara tri ditësh ka marrë guximin dhe ka denoncuar Margarit Ç, i cili tani ndodhet në burgun e Rrogozhinës. Policia fillimisht nuk e kishte besuar deklaratën e Linditës. Por, forcat policore kanë vendosur kamera në mjediset e shtëpisë së tyre dhe tashmë kanë edhe prova kundër 67-vjeçarit monstër. Edhe Arbeni nuk ka reaguar kur gruaja e tij, Lindita i ka treguar historinë e saj tronditëse. E gjendur në të tilla kushte, Lindita Ç., ka kryer denoncim , gjë që ka çuar në pranga vjehrrin e saj monstër, Margarit Ç.
ma.me
