Një ngjarje tronditëse ka ndodhur në qytetin e Fierit. Prej 6 vjetësh një vajzë 12 vjeçare abuzohej seksualisht nga njerku. E mitura ka denoncuar në Policinë e Fierit një ditë më parë abuzimin seksual, ndërsa policia ka vënë në pranga nënën e saj 40 vjeçe dhe bashkëjetuesin 52 vjeç.
Sipas policisë së Fierit në pranga kanë rënë Ilmi Hoxhaj dhe Selvi Yzeiraj banues në fshatin Mbyet në Fier. Nëna e vajzës dhe bashkëjetuesi i saj u arrestuan për arsye se në bashkëpunim me njëri tjetrin kanë abuzuar seksualisht me të miturën.
Sipas kallëzimit të bërë nga vetë e dhunuara, Ilmi Hoxhaj ka kryer marrëdhënie seksuale me te miturën që në moshën 6 vjeçare. Gjithashtu të dy bashkëjetuesit në bashkëpunim kanë kultivuar bimë kanabis, pasi 21 rrënjë i’u gjetën të mbjella në oborrin e banesës.
Në banesë e tyre u gjetën dhe u sekuestrua një sasi prej 41.5 kg lëndë narkotike e dyshuar Cannabis Sattiva e tharë. Tashmë dy të arrestuarit akuzohen për veprat penale “Marrëdhënie seksuale ose homoseksuale me të mitur” si dhe “Prodhim dhe shitje e narkotikëve”.
ma.me
