Inspektoriati i Mbrojtjes dhe Kontrollit të Territorit në bashkinë e Fierit ka nisur shembjen e disa shtesave të objekteve. Kreu i PD-së në Fier, Luan Baci ka thënë se këto shembje po bëhen në mënyrë selektive. Ndëkrohë që kreu i IKMT-së ka thënë se këto shtesa janë pa dokumente.
‘Këto shembje janë bërë në mënyrë selektive dhe sipas përkatësisë partiake. E njëjta gjë ka ndodhur edhe te pedonalja e re, tek tregu, ku qytetarëve edhe pse me dokumente të rregullta u është marrë toka” ka thënë Luan Baci .
Ndërsa Ader Cako, kreu i IKMT-së ka thënë se, “Shembjet janë bërë brenda ligjit dhe me vendim edhe të Këshillit Bashkiak. Iku koha e PD-së e cila zuri shumë hapësira publike. Nuk ka më të fortë, vetëm ligji është. Pronarët që u është prishur shtesa janë pa dokumente. Në Fier ky aksion i IKMT-së ka ditë që ka filluar në kuadrin e investimeve që po bën Bashkia “ tha ai.
ma.me
