Një vajzë e mitur 3-vjeçare ka gjetur vdekjen si pasojë e një aksidenti rrugor. Ngjarja ka ndodhur në lagjen “Drize” në qytetin e Fierit.
Viktima është 3-vjeçarja me iniciale A.A. Mësohet se e mitura është përplasur me makinë në afërsi të banesës nga një i afërm i saj. Vogëlushja është sjellë me urgjencë në spitalin rajonal të Fierit, por si pasojë e plagëve të marra ka ndërruar jetë.
Në vendin e ngjarjes ka mbërritur policia e cila ka nisur punën për zbardhjen e ngjarjes si dhe ka marrë në pyetje të afërmit e viktimës.
