Presidenti Ilir Meta ka zhvilluar sot një vizitë në familjen e Agur Vrenozit në Fier, për të nderuar figurën e tij (pas vdekjes) me “Dekoratën e Artë të Shqiponjës”.
“Falenderojmë Presidentin Meta për nderimin e djalit tonë”, janë shprehur familjarët e Agurit.
Presidenti Meta ndër të tjera tha:
“Autorët e këtij akti kriminal të marrin ndëshkim shembullor nga drejtësia. Ju shpreh ngushëllimet dhe solidaritetin tim të plotë. Erdha për t’ju shprehur mbështetjen time dhe të shtetit shqiptar, do jemi gjithmonë pranë jush. Është heroi i vlerave qytetare, me figurën e tij sot nderohemi të gjithë. Akti i tij sublim, frymëzues për brezin e ri dhe mbarë shoqërinë tonë”.
Vrenozi u vra teksa nderhyri gjate nje grabitje qe po ndodhte ne nje pike exchange ne qytetin e Fierit. Ne pranga rane 3 autoret e ngjarjes.
