Një banesë në lagjen “Kryengritja” në qytetin e Fierit ka rënë pre e grabitjes mbrëmjen e kaluar ku janë marrë nga kasaforta rreth 1.9 mln lekë të reja. Persona të paidentifikuar kanë hyrë në shtëpi dhe kanë vjedhur 10 mijë euro si dhe 550 mijë lekë të reja. Sipas policisë, banesa e grabitur është në pronësi të 56-vjeçarit K.M. Asnjë nga familjarët nuk ka qenë në banesë në momentin e grabitjes çka ka ndihmuar autorët që ta bastisin shtëpinë të pashqetësuar.
Njoftimi i policisë:
Më datë 12.01.2018, gjatë natës, në lagjen “Kryengritja”, kanë vjedhur 10.000 euro e 550.000 lekë, në banesën e shtetasit K.M., vjeç 56. Punohet për identifikimin dhe kapjen e autorit. Neni 134 i Kodit Penal.
